2015/01/15

كلنا عاهرات

دايما الناس بتتكلم عن العاهرات بقرف كده وبيبصولهم نظرة حقيرة لأسباب قد تبدو ظاهريا للعفة أو طهارتهم المفرطة اللي مبتتحملش النوع ده من الانحلال بحسب نظرتهم ليه. ولاني دايما بعتقد ان لو الناس فعلا علي قدر رهيب من الأخلاق بالشكل ده هيترفعوا أصلا عن الحكم علي غيرهم وهيبقوا دايما مشغولين بمساحتهم الخاصة وبيحاولوا ينقوها مكنتش فاهمة ليه كمية القرف والاحتقار للعاهرات بالشكل ده! لغاية ملقيت سبب تاني أكثر منطقية لعقلي المريض.

السبب مشابه أوي لظاهرة رجم الشيطان في الحج اللي بيتحول من رجم لتحديف شباشب وشتيمة وعنف عجيب نتيجة انه غالبا الناس بدل مبترجم الشيطان بترجم ضعف نفوسها! هما عارفين ان هوا نفوسهم يعادل سبع شياطين مجتمعين مع بعض وبالتالي فالغل كله بيطلعوه في الشيطان رغم انه الشيطان برئ غالبا أو علي الأقل مش المسئول الأوحد.

نفس النظرية تطبق علي كره الناس للعاهرات! هما عارفين انهم مش أنضف حالا أبدا بس دول اللي ممكن يرجموهم ويحسوا بالفخر وبالنضافة الفشيخة لما يتكلموا علي حاجة ظاهرها أوسخ من عمايلهم السودة.

قصر الكلام أنا مش بكتب علشان أحلل سر كره واحتقار الناس للعاهرات بس كان نفسي أعقب علي انه لو بتحتقرهم أوي ياريت تحتقرنا جميعا من أول سعتك لحد كل مواطني العالم العربي لأن كلنا عاهرات. أيوة أنا وانت وهما عاهرات ولو مش مصدق تعالي نفكر فيها من منظور مختلف سيكة.

هي العاهرة بتعمل ايه؟

بتوافق تتفشخ لمؤاخذة سواء علشان الفلوس أو علشان هي

2014/11/23

مطلقة يعني مستعمله يابني!

جهاد التابعي تكتب.. مطلقة يعني مستعمله يابني!


عمرك سألت نفسك وجاوبت بصراحه .. ليه الراجل الشرقي بيترعب من الإرتباط بواحده مطلقه أو واحده كان عندها علاقات في حياتها من أي نوع ؟
لو هتجاوب الإجابه التقليديه .. أصل دي أول بخته و بلا بلا بلا
وأصل اللي عندها علاقات دي معندهاش أخلاق ومش مضمونه .. يبقي أرجوك تركن علي جنب شويه عشان احنا عايزين نعرف السبب الحقيقي، اللي الناس بتتكسف تقوله وبتستبدله بأسباب محفوظه ومثاليه.
من فتره قصيره صديقة فيسبوكيه بعتتلي تسألني ليه الراجل بيتردد في الجواز من مطلقه؟ وطلبت مني أكتب السؤال ده علي بروفايلي.. واستغربت جدا لما قريت

ارهابي في المترو




عربة مترو

يجلس مجموعة من الأشخاص غير مبالين بشيئ ، وفجأة يتوقف المترو فلا يظهر اي اهتمام علي احدهم

يقوم شاب تلاتيني ملتحي يلبس جلباب : يا جماعة المترو وقف

*صمت*

- الشاب : عارفين المترو وقف ليه ؟

*صمت*

- علشان انا هفجره ، هاهاهاهاهاهاها

*صمت ولا مبالاة*

- ايوة انا هفجرة ، دي خطة عاملينها ، الاخوة هيوقفوا القطر من بره ، وانا هفجره بالحزام الناسف اللي انا لابسه ده *يرفع الجلباب ويظهر الحزام الناسف *

*ينظر له الجميع نظرة غير مبالية .. اللي هو ايوا عايز ايه يعني يا ابن الوسخة انت!

الشاب منفعلا : ايه ؟ انتو مش خايفين ؟ 

الحاج اللي هناك ده مش خايف ؟

= واخاف من ايه يا ابني ؟

- يعني حزام ناسف وهفجركم وبووم وبتاع شوية اهتمام يعني مش كدا !

= فعلا ؟

- حهزر معاك يعني ؟ مش لسه موريكم الحزام الناسف من شوية ؟

= طيب يعني عايز ايه ؟

- بقولك حفجركم وحزام ناسف ؟ هكون عايز ايه يعني ؟ ربع لانشون وبجنيه فينو ؟

= ما تبطل سخافة بقي يا ابني هتبقوا انتو والزمن وريحة باط ابن الكلب الواطي اللي جنبي ده علينا ؟

- ما انت اللي بتستفزني يا حاج

= انا ؟ ليه ؟

- مش خايف

= واخاف من ايه ؟

- من الحزام الناسف والتفجير وكدا

= فعلا ؟

- مش ملاحظ اننا بدأنا نلف ف سركل وسخة .. وانا مبحبش دماغ العواجيز ده ، ما تخلنيش اخلع الحزام والفه حوالين رقبتك اخربأك .

= بس يا ياض

- يعني مش هتخاف ؟

= يا ابني بطل تفاهة بقي وان كنت هتفجر اخلص ، اهو علي الأقل تريحني من ريحة عرق القذر اللي جنبي ده .. *بصوت عالي وصراخ* .. استحموا بقي يا ولاد الكاالب

- اسف يا حاج .. طب وبالنسبة لام محمد اللي هناك دي مش خايفة ؟

= واخاف من ايه ؟

- ياا دين والدي .. ما تبطلوا وساخة المصرين دي بقي .. تخافي من ايه ؟ تخافي من اني لابس ديك ام حزام ناسف اهه ، اهه .. هشد ام الفتيل وافجر نفسي ف اهاليكم !

= وبعد كدا يعني المترو هيمشي ؟

- مش عارف .. مش هبقي موجود ساعتها الصراحة

= طب فجّر ياللا بسرعة والنبي يا ابني علشان سايبة الأكل علي النار

- أقسم بربي أ انتو خسارة فيكم تمن الحزام الناسف ده ، انتوا عايزين حزام جلد بتوكة ويتقطع علي فخادكم يا رمم

- طب وبالنسبة للأخت اللي لابسة الهيد فون دي ودونت كير ممكن حضرتك معانا هنا شوية ؟

- يا اخت ، يا اخت ؟

- يا وسخة ؟ *يشد الهيد فون من ودنها

= اووه ماي جود ؟ ايه قلة الادب دي ؟

- معلش بس ثانية معانا فيه تفجيرات وحاجات هتحصل دلوقتي فبنستأذنك تعملي بوز لمنير او حماقي او هو ايفر اللي بتسمعيه يعني وانا هبعتك جهنم دلوقتي معاهم شخصيا

= ايه ده انت هتفجر المترو ريللي ؟

- ام نوت شور الصراحة ، بس اي ويل تراي يعني
واي بروميس اني ها دو ماي فاكين بيست علشان انهي حياة امثاك مش اكتر

= طب اشطه ، ممكن اخد سيلفي وارفعها بعد اذنك علي انستاجرام "انا والإرهابي" .. وااو هتبقي اوسام اوي ؟

*يخبطها رجل ف بطنها تاخد باب المترو وتنزل*

*يعدل هدومه* : ها يا جماعة .. ما حدش خاف لسه ؟ .. الاستاذ اللي هناك ده ؟ ايوا انت اللي معاك كيس الفاكهة مخوفتش ؟

= واخاف من ..

- بااس يا وسخ .. ادخل ف الموضوع علطول

= الصراحة مش فارقة .. كل اللي قالقني انك لو ضعفت ومقدرتش تفجر المترو ، هعيش واطلع من المترو اركب ميكروباص زحمة والسواق يغلي الأجرة ويتخانق وياكل مطبات وينزلني ف مكان فيه صرف صحي طافح وزبالة اروح اتخانق معاها ف البيت علشان ما اهتمتش وعملت اكل للكلب اللي شقيان بره ، واكل اي حاجة من التلاجة وانام فتصحيني علشان انزل اكشف ع الواد واجيب حقن ولبوس وادفع مصاريف والشهر لسه ف اوله واكمله سلف وللأسف مش عايز اموت كافر ومش بعد ده كله يعني اعلق نفسي ف يافطة وابقي فرجة وناس تافهة زيك تقول عني مات كافر ويقولوا عنك انت شهيد .. بص يا ريت تنجز وما تضعفش وتنهي الموضوع حالا .. ما تشعبطناش بالأمل وتندّل

- ميتين البؤس الصراحة ،

- علي فكرة ، انا كمان ، انا كمان زيكم واكتر حياتي كلها مليانة لبوس ، وعرق باط واكل ما خلصش
خلصت تعليم وشهادة تقريبا امي رميتها او باعتها مع الكتب القديمة بالكيلو باين او ولدي الله يسامحه استعملها ورق حمام .. الماية بتقطع كتير اصلها .. احب واحدة وتسقعلي علشان فاشل ، ادخل ابعت لواحدة علي الفيس تاخد سكرين شوت وتقول عني حكاك وشغل وسخ

.. وانا كمان مكنتش عايز اموت متعلق في حبل وعيال لزجة وعميقة تكتب عني بوستات ، كان لازم اموت موتة عدلة يعني .. بس للأسف حتي دي مش ناجخ فيها

*يطلع سكينة مطبخ ويرشقها ف بطنه ويموت*

*تبتعد الكاميرا لفوق ..

اصوات متداخلة متباعده

طب ايه بقي المترو هيمشي دلوقتي يعني والا ايه ؟

ابعد باطك دي كدا بقي علشان ما اسبلكش يا ابني يا قذر

لو سمحت يا باشا نازل الجاية ؟

2014/11/22

مش عشان بتنفس ابقي عايش

تنفس بس مش عشان بتنفس ابقى عايش
ممكن تبقى ميت بس غصب عنك بتتعايش
مش عارف تفرح او تزعل او حتى تبقى خايف
وده خلاك تسأل انتى حقيقي ولا زايف
ليه الحاجة .. اللى انا بحلم بيها ومستنيها
اول ما الاقيها ارميها كأن مكنش نفسي فيها
واكتشف الحقيقه اللى انا طول عمري مداريها

2014/11/18

ولدني شكرا



الولية قاعدة في التوكتوك... و بطنها قصادها تلاتة متر لدرجة ان الواد السواق بقي ستيكر علي الازاز... و شكل بطنها هي اللي سايقة التوكتوك.... و جوزها واقف متشعلق علي جنب التوكتوك اللي ماشي بالطاقة الصويتية اللي خارجة من حنجرة الولية اللي شكلها حتولد مجتمع عمراني حديث كامل و فجأة

- هااااااات شعرك يا سيييييييد... يا ختاااااي مش قاااادرة حمووووت

- عندك شعر الواد السواق.. انا خلاص.. جالي تسلخات في

امن وامان

وفى غرفة من غرف ذلك المبنى ذو الطابع الأمنى في بلد بعيد ... الذى يتسم بالهدوء و الغموض ... رن جرس الهاتف كالمعتاد ...
"تررررررن ترررررررررررررررن .... بررررررررم برررررررررم"
- الو
- الو ايوة مساء الخير حضرتك ...
- مساء النور
- مش دة رقم أمن الدولة ؟
- ايوة .. خير أأمر ؟!
- حضرتك انا عيد جوازى انهاردة ...
- نعم يا خويا ؟؟؟
- انا زى انهاردة من تمنتاشر سنة اتجوزت ..
- طب واحنا مال اللى خلفونا ؟؟ انت متصل تهرج ؟؟ انت مش عارف ان نمرتك ظاهرة عندى ؟؟
- يا باشا مش بهرج و المصحف .. انا بتصل عشان عاوز اخرج ...
- انت بتهرج يا حيوان مع امن الدولة ؟؟؟ انت عارف انا حأعمل فيك ايه ؟؟؟
- يا باشا استحملنى ... انا قصدى انا عاوز احتفل مع المدام بس محتاج اعرف حاجة مهمة
- تعرف ايه و زفت ايه ؟؟؟ عاوز ايه لخّص ..
- حضرتك الدنيا أمان دلوقتى .. ؟؟ مفيش تفجيرات هنا و الا هنا ؟؟
- لا ان شاء الله كل حاجة تحت السيطرة و الامور كويسة ان شاء الله .. هااا ؟؟ حاجة تانى ؟؟
- يعنى حضراتكم مش شايفين ان فى اى خطر فى اى مكان قريب ؟؟
- يعنى احنا لو شايفين خطر مثلا ... حنسكت ؟؟؟ مفيش حاجة يا حج .. اخرج عادى ..
- يعنى حضرتك شايف اى مكان مثلا خطر ممكن يحصل فى حاجة تقولى عليه ..؟؟
- يا حج بقولك كله كويس ان شاء الله ... خلّص يا حج مش فاضيين .. ورانا شغل !
- يا باشا معلش ..انا قلقان و خايف .. ومش حطمن غير اما تطمنى حضرتك ...
- اوووف ... بص يا حج .. ابعد عن التجمعات الكبيرة اللى فيها ناس كتير ... و طبعا ابعد عن مديريات الامن و الاماكن المحيطة بيها ... و طبعا الاماكن اللى حوالين الاقسام مش مرحب بيها برضو ... و اى نقط فيها ارتكاز امنى حاول تحتفل فى اماكن بعيد عنها ... الجامعات كلها ابعد عنها ... لو شفت مكان قصاده عربية ربع نقل راكنة ما تدخلوش ... يعنى احتياطى ما تحتفلش فيه ... غير كدة ان شاء الله تقدر تتوكل على الله و تحتفل في اي مكان انت عاوزه ...
- الله يطمنك يا باشا ... الحمد لله .. ايوة كدة ... حالا حأنزل اخد المودام و اروح الكيلو 55 الطريق الصحراوى احتفل ...
- نهارك اسود ... انت اتجننت يا راجل انت ؟؟؟؟؟؟؟؟؟؟!!!
- ليه بس يا باشا ؟؟؟!
- انت ما تعرفش ان فى هناك كمين و منطقة امنية ؟؟؟؟؟ انت شكلك ارهابى يا جدع انت ... حالا البوكس حيكون تحت بيتك يا واطى يا عميل ... عارفك و حجيبك
- لااااا يا باااااشا لاااااااا ... و الله ما اعرف و المصحف ما اعرف ... يا ختااااااااا "تيت تيت تيت"

‏عجائب الشقة السبع‬

‏عجائب_الشقة_السبع‬
ليه ... ؟
هو ده السؤال ... ليه بنجيب البلاوي دي كلها فى الشقة ...
ليه ما بنكتفيش بمراية فى الحيطة و فرشة شعر دبابيس تتنيل تترمي في اي حتة و خلاص و مكان محترم فى المطبخ نشيل فيه الصيني و دولاب عملي واحد ندفس فيه فوط مسح اللامؤاخذة الوش .. ؟؟؟
ليه الجواز لا يتم الا بوجود بعض الخشبيات في البيت زي التسريحة ... و الشوفونيرة ... و الكومودينو ... و النيش ... البوفيه
ايه الاسماء التافهة دي اساسا ؟؟!!!
‫#‏التسريحة‬
يعني ايه اجيب بتاعة خشب ادفع فيها كذا الف جنيه عشان

دم الشهدا مش هيروح

كان يا ما كان شباك مفتوح
حط عليه عصفور مجروح
قال أغنية وبعدين طار
كان يا ما كان عصفور تاني
في المستشفى الميداني
عاوز يرجع للثوار
يا للي بترمي عليهم نار
مهما ضربت ومهما قتلت
العصافير في الهوا أحرار
دم الشهدا على الأسفلت
يطرح ورد ويطرح نور
شمع منور 6 شهور
دم الشهدا شمس المغرب
يا نايم في الليل تتقلب
ما بينفعش لا نوم ولا صبر
صوت الشهدا آدان الفجر
صوت الشهدا يقولك اصحى
أسامينا ف حبات السبحة
عد صوابعك على أسامينا
خالد، أحمد، مالك، مينا
شهدا يغنوا شهدا يطيروا
شهدا اعتصموا شهدا شهود
شهدا بيجوا من ماسبيرو
ويزورا محمد محمود
شهدا سوايسة إسكندرانية
شهدا صعايدة بحاروة بدو
ثورة مصر حتفضل حية
بكرة هلالنا هيصبح بدر
شمس الثورة قوية قوية
وهتبعد كل الأعداء
مصر شباب طالبين حرية
والحرية من الشهداء
دم الشهدا مش هيروح

2014/08/21

موسوعه جينص


موسوعه جينص
معاليك موسوعة "جينص" للارقام القياسية ضاربة اخماس في اسداس معاليك علي الارقام القياسية اللي بتعملوها في عدد مرات قطع النور معاليك ... روعة معاليك .. اوكر ...

معاليك انت ممكن توفر مرتب وزير الكهربا و تمشيه و تضم وزارة الكهربا معاليك مع وزارة السياحة ... لحد ما تجيبوا كهربا معاليك ... اه يا شقي معاليك ... بتشجع وزير الكهربا عشان ما يُحبطش .. صح ؟؟

معاليك برضك احنا خلاص وصلنا لمرحلة كويسة اننا من الحر و الضلمة بطلنا نشر عرق معاليك الحمدلله .. بس ده عشان العرق خلص معاليك .. احنا ابتدينا نشر دم معاليك ... هاهاها ... عفريت معاليك ... تخبل ... حنلطم معاليك .. بس مش شايفين نلطم فين

نور علي نور



- الو ... 
- الو .. ايوة اامر
- شركة الكهربا ؟؟؟
- ان شاء الله اامر 
- استأذنك حولني علي قسم "القطع"
- خليك معايا ثواني ... 

ينتظر علي نغمة انتظار "يا نور علي نور" للفنان عمرو دياب ... ثم...

- الو .. اامر
- حضرتكم قسم القطع 
- احنا قسم التوصيل حضرتك .. بس انضمينا علي قسم القطع دلوقتي و بقينا ما بنعملش حاجة غير القطع ... اامر ..
- طيب تمام .. الامر لله ... من فضلك بس ليا طلب مهم .. 
- اه قوي قوي اتفضل ...
- معلش عندي بكرة معاد الساعة تمانية الصبح و محتاج اصحي الساعة ستة الا ربع بالظبط .. ممكن تقطع النور في الوقت ده بالظبط ؟!