تنفس بس مش عشان بتنفس ابقى عايش
ممكن تبقى ميت بس غصب عنك بتتعايش
مش عارف تفرح او تزعل او حتى تبقى خايف
وده خلاك تسأل انتى حقيقي ولا زايف
ليه الحاجة .. اللى انا بحلم بيها ومستنيها
اول ما الاقيها ارميها كأن مكنش نفسي فيها
مفيش حاجة في الدنيا تستاهل اعيش ليها
كل نقطه مطر نزلت .. دفنت معاها حلم
والنقط على التراب بقت صورة بتترسم
فيها العالم بيتحرق وانا واقف ببتسم
فيها العمر بيتسرق والوقت بينتقم
فيها واحد اداني ورده بس حاطط فيها سم
فيها واحد ظالمني وجاي هو يتهم
فيها واحد بيصرخ بس صوته بيتكتم
فيها واحد بيقول مبقتش تفرق .. مش مهم
ايه ممكن يفرق بعد الموت ازاي أعيش !؟؟
إزاي هاقدر إني انسى !؟؟ في حاجات مابتتنسيش
كل اما احلم بحاجة دايما بصحى على مافيش
أنا آسف يا أحلامي .. نصيبك ما تعشيش
عدى في أذهان .. كلام ما يعبر عنه لسان
زهان يكون هو الهدوء هدوء يبقى الجنان
كان فاضل شيء كمان فضل في طي النسيان
حاجات بقت بتموت في قلوب عيون ما بقت بصه لقدام
ده كان خيال ومن الحقيقه كان محال
لما زاد الاحتمال اتقفلت كل البيبان
بال بيفكر في شر بال بيفكر في خير
كل واحد له نهايته مش كله نفس المصير
سؤال عسير ملوش بديل ولع فتيل
فجر فيود سبب هبوط لشىء وكان تقيل
واتعقدت المعادله واتساوت كل النتائج
في الاخر مبقتش تفرق الخيوط كلها تتشابك
والخطوط كمان تتفارق كدب في اوقات يبقى صادق
مهما حاولت .. انك هتعمل مع القدر ما هتتسابق
راجع .. ولا مش راجع في عقلك بتشاور
شايف .. ولا مش شايف في الضباب مسافر
ايه ممكن يفرق بعد الموت ازاي أعيش !؟؟
إزاي هاقدر إني انسى !؟؟ في حاجات مابتتنسيش
كل اما احلم بحاجة دايما بصحى على مافيش
أنا آسف يا أحلامي .. نصيبك ما تعشيش
No comments:
Post a Comment