2010/09/26

انا والحمامه

انا والحمامه










قاعد بتقلب في السرير من الساعه 11 للساعه 4 الفجر
مجهد ونفسى انام ومش عارف انام ولما يادوبك بروح في النوم وعينى تبدا تغمض
الاقى الباب سو سو سو جرس الباب العقيم بيضرب يووووه مين غلس ابن تربتيت يخبط على حد الساعه 4 الفجر
افتح الاقيها جارتى الى فوقيا هيا الساعه 4 الفجر ولا العصر لا دى الفجر ايه ده فيه ايه
افندم امرى نعم الـ ايه في صوت حاجه بتلعب في البلكونه قلت لها افندم مش فهمك
قالت البلكونه فيها صوت حاجه بتلعب هههههه قلت لها سبيها تلعب 
بعدين دى بلكونتى ولا بلكونتك قالت لا بلكونتى طيب حضرتك انا مالى ببلكونتك
ايه المشكله أمرى ايه المطلوب قالت لى قلقانه خايفه يكون فار
افندم فار اهلا وسهلا طيب جوزك فين مسافر اها مسافر قلت يا واد طنش خالص
طيب مش عندكم شغاله غلسه كده اها بس اختها بتولد ومش بايته انهرده كمان لا ده انا كده لازم اطنش خالص خالص
طيب اقفلى البلكونه كويس مش هيدخل وبكره يزهق ويمشى واساسا منطقتنا مفهاش فيران هيجى منين يعنى
قالت معلش قلقانه منه متيجى

تشوفه اصلى مش عرفه انام قلت ياواد طنش خالص يعنى هى جت على دى
دخلت غيرت وطلعت واول ما دخلت البلكونه الاقي الجبانه تقفل عليا ايه يا استاذه ايه الحركات دى
قال ايه علشان ميدخلش طيب وانا مالى يدخل ولا يجراله الى يجراله
 تحبسينى مع فار ليه انت مصحيانى تحبسينى في بلكونه الفران قلت يا واد طنش خالص 
لاقيت قدامى كراتين اقلب فييها يمين وشمال وانا ركبى بتسلم على بعضها اتاريهم وحشين بعض هههههه
 اذ فجأتن الاقى الى بينط في وشى ويطير قوم تطلع ايه اتاريها حمامه
وعامله عشه ومجمعه قش اه يا بنت الـتربتيت  قطعتيلى الخلف
افتحى يا استاذه دى حمامه ماجره البلكونه ايجار جديد انت عرفه ازمه السكن بقى
طيب كتر خيرك شكرا انا قلت ايه القلبه دى امال انا الى عمال اقول طنش خالص طنش خالص
طيب اهو اعمل الخير وارميه في البلكونه

استفسار :- وصلنى بعض الاقترحات انها ممكن تقول للافندى الى مسافر والى انا شاكك اساسا انه هو والشغاله مانتمين مع بعض ههههه ولا مش هتقوله ماهو لو على كده ممكن انتهزها فرصه وابتزها في غداء في عشاء فى غسيل ولا انتو رايكم ايه



1 comment:

Hossam Hassan said...

حلوه دى برده يا اسلام
وانا معاك انت المفروض تبتزها بعد كده
مدام هيا مضحيه بيك يبقى لاوم تبقى غلس وتاخد من وراها حاجه