الثقب الاسود
انك بتفضل ساعة و ربع تدور على القميص فى الدولاب ... وتدور عليه ... وتدور عليه .. وتبتدى تعيط و انت بتدور عليه ... وبعدين تدور المحادثة التى تتكرر فى كل غرف المحروسة
صرخة مروعة
- "مااااااااااااااااااااامااااااااااااااااااااااااااا"
* "نعم ؟!!"
- "القميص بتاعى فين ؟؟"
* "عندك فى الدولاب"
- "مش موجود وبقالى ساعة بدور عليه فى الدولاب و مش لاقيه"
* -"عندك فى الدولاب"
- "يا ماما و المصحف ما موجود فى الدولاب . انتى اكيد غسلتيه"
* "عندك فى الدولاب"
- "يا ماما مش فى الدولاب و انا خلاص زهقت من كتر الحاجات اللى ضيعتهالى حرام عليكى"
* "عندك فى الدولاب"
- "حرام و الله ... اخرج ازاى انا دلوقتى ..
والله ما انا خارج عشان ترتاحى"
* "ولو جيت طلعته من عندك فى الدولاب ؟"
- "يا شيخة بس بقى بلا بتاع .. حرام عليكى "
ثم تظهر الماما اتية فى الطرقة
متوجهة الى الدولاب ماددةً ايديها فى الرف الاول الملاصق للوجه بدون ان تنظر
وبسحر اسود ما و بعمل من الاعمال السفلية
وبطريقة تجعل سحرة الفودو و ملوك الجان و السحر الاسود شوية عيال بتعمل بيببى على روحها .
بسحب القميص فى ثانية واحدة و ترميه فى وشك ..
وانت واقف باصص للدولاب ..
ومستعد تحلف ست الاف كعبة انه موصل على ثقب اسود من بتوع الفضاء !!!!!!
منقول
No comments:
Post a Comment