في بلادي
في بلادي انت كنت مجرم او شخص عادي
هايكبلوك من الايادي
وهايسحلوك
ويبهدلوك
والكل عادي ..
كانوا زمان حضرتك
يقولولنا "الشرطه في خدمتك"
لكنك دلوقتي بقيت في نظرهم
"زيك زي جزمتك"
تبوس ايادي
والكل عادي
عشان تاخد حريتك
ولو فكرت تمشي جمب الحيط!!
هايجيبوك
ويبهدلوك
ويروقوك
وعلي قفاك هايضربوك..
ولو هجيت م البلد دي
الناس بره مش هايسيبوك
هايقتلوك
ويسحلوك
ويقطعوك
وفي اكياس هايحطوك
وفي الزباله راح يرموك..
قولت هاسكت عشان اعيش!!
واهو سكوتك خلاك تموت
ومن النهارده قررت اعيش
هاعيش وهافضل اقول "لأ"
لكل ظالم نسي يعني ايه كلمه حق...
Rémy Abdalhalim
No comments:
Post a Comment