2010/12/15

الشعب هيعمل ايه

الشعب هيعمل ايه


الناس من الغلا بتلالى والشعب حيعمل إيه
حتى السكر بقى غالى.. والناس حتحلى بإيه
كيلو السكر بـ٨ و٩ و١٠ ساعات .. لا حنشرب تانى عصاير ولا نأكل حلويات
الحلبة خلاص والقهوة حتبقى كلها سادة .. ولا خلى السكر بره ولا فيه مظبوط وزيادة
السكر أصبح ذكرى وجروحنا زادت جرح .. وخلاص كلنا من بكره حنحلى الشاى بالملح
ياللى أنت عندك سكر اتهنى وقول يا بلاش .. طب إنت جابولك سكر فى ناس لسه مجلهاش
قاعدين كلنا بنفكر فى المجلس والجلسات .. أهو غلوا علينا السكر وآدى آخرة الانتخابات
علقنا يفط ومشينا ومسكنا لبعض سيوف .. ولا شوفنا حد بيخدم ولا عمرنا يوم حنشوف
عيش مرة وسكر مرة ومنين الناس حتجيب .. حق النور والمية واللحمة والأنابيب
مبقاش لا مرتب نافع ولا حافز ولا علاوات .. السكر بس عايز له ميزانية وسلفيات
الناس تعبانة وحايرة وانتخبوا لكن عارفين .. مش حيشوفو ابن الدايرة غير بعد ٥ سنين

10 comments:

تطبيقات said...

الله ينتقم من الظلمة الفاسدين

Umzug Wien said...

فعلا معاااااااك حق

اخبار اليوم said...

مقاااااااال رائع جداا

توب موفيز said...

تسلم ايديك

اخبار فنية said...

هايمون من الجوع

اخبار الرياضة said...

الشعب المجنى عليه

اخبار said...

الله يكون فى عون الشعب

Umzug Wien said...

thanx

ريوبى said...

موضوع ممتاز
ryobi

Wohnungsräumung said...

شكرا على الموضوع المتميز
Dank Thema Wohnungsräumung