دايما الناس بتتكلم عن العاهرات بقرف كده وبيبصولهم نظرة حقيرة لأسباب قد تبدو ظاهريا للعفة أو طهارتهم المفرطة اللي مبتتحملش النوع ده من الانحلال بحسب نظرتهم ليه. ولاني دايما بعتقد ان لو الناس فعلا علي قدر رهيب من الأخلاق بالشكل ده هيترفعوا أصلا عن الحكم علي غيرهم وهيبقوا دايما مشغولين بمساحتهم الخاصة وبيحاولوا ينقوها مكنتش فاهمة ليه كمية القرف والاحتقار للعاهرات بالشكل ده! لغاية ملقيت سبب تاني أكثر منطقية لعقلي المريض.
السبب مشابه أوي لظاهرة رجم الشيطان في الحج اللي بيتحول من رجم لتحديف شباشب وشتيمة وعنف عجيب نتيجة انه غالبا الناس بدل مبترجم الشيطان بترجم ضعف نفوسها! هما عارفين ان هوا نفوسهم يعادل سبع شياطين مجتمعين مع بعض وبالتالي فالغل كله بيطلعوه في الشيطان رغم انه الشيطان برئ غالبا أو علي الأقل مش المسئول الأوحد.
نفس النظرية تطبق علي كره الناس للعاهرات! هما عارفين انهم مش أنضف حالا أبدا بس دول اللي ممكن يرجموهم ويحسوا بالفخر وبالنضافة الفشيخة لما يتكلموا علي حاجة ظاهرها أوسخ من عمايلهم السودة.
قصر الكلام أنا مش بكتب علشان أحلل سر كره واحتقار الناس للعاهرات بس كان نفسي أعقب علي انه لو بتحتقرهم أوي ياريت تحتقرنا جميعا من أول سعتك لحد كل مواطني العالم العربي لأن كلنا عاهرات. أيوة أنا وانت وهما عاهرات ولو مش مصدق تعالي نفكر فيها من منظور مختلف سيكة.
هي العاهرة بتعمل ايه؟
بتوافق تتفشخ لمؤاخذة سواء علشان الفلوس أو علشان هي
بتحب تتفشخ عادي أو لانها ضعيفة ومغلوبة علي أمرها وملهاش حيلة غير انها تعمل كده علشان تعيش.
ده تحديدا اللي كل سكان المنطقة الموبوءة دي من العالم بيعملوه! احنا مواقفين نتفشخ من أنظمة فاسدة…بعضنا بمزاجه علشان بيحب الفساد زي عنيه وبعضنا علشان الفلوس ولأن الفساد معيشه عيشه مستقرة لطيفة وبعضنا علشان مغلوب علي أمره وكل مره يحاول يقاوم يتفشخ أكتر! المحصلة اننا ساكتين واللي يشوفنا من بره يقول دول واخدين الفشخ هواية!
طيب نيجي للنقطة المهمة…مدام بالحسبة البسيطة دي طلعنا كلنا عاهرات بنحتقر العاهرات ليه؟!!
١. علشان احنا من جوانا محتقرين نفسنا بس مش حابيين نواجهها
٢. علشان بنحب نحاسب الناس علي الطريقة اللي بيختاروا بيها الفشخ اللي بيتفشخوه. يعني قشطة نبقي عاهرات مع الأنظمة والفساد والظلم بس العاهرات اللي في السراير وحشين
٣. علشان احنا نعاني من ازدواجية ملهاش علاج ومبنعرفش نحط الأمور في نصابها الصحيح
٤. علشان احنا ولاد كلب في المطلق
اللي يلاقي سبب منطقي يصحي يقوله لنفسه كل يوم الصبح لحد ميوصل لسلام نفسي مع موضوع العهر والعاهرات.
اميره صلاح
اميره صلاح
No comments:
Post a Comment